أقدم لكم قصيدة " هسيبك يا حياه "
لصديقى شاعر العاميه :محمد حسن
وأتمنى أن تنال إعجابكم


خلاص أنا هبعد وهسيبك يا حياه
يلى ادتينى فرحه والباقى عذاب
خلاص أنا هبعد وهسيبك
وليكى والله السلامه وليكى العتاب

سلمتينى لناس خاينه
وبعتينى وبأرخص التمن
رمتينى لغدر الأيام
ومعاهم جراح الزمن
خلاص أنا هبعد وهسلم
وهسيب قلبى بيتألم
مع قلب حبيته وباعنى
وسابنى للحياه أتعلم
خلاص أنا همشى يا دنيا
وهفتكر كل لحظه وسانيه
قضيتها مع ناس بايعه
وهبيعهم من غير تمن
وهرميهم لغدر الزمن
أنا اللى غلطان من الأول للنهايه
أمنت لناس قلبهم زى المرايه
فى وشّى حبايب
وف ضهرى عدوين لقلبى
عاشقين لموتى..بيتمنو سكوتى
بيحلمو لنهايتى
ادونى حب...ادونى حنان
ودى أخرة حكايتى
لناس أمنت ليهم
خصمت الحياه وببكى عليهم
لا يا قلبى...افرح يلا واتعلم
من قلب حبيته وسابك تتألم
لا يا قلبى انسا خلاص
إنك عايش ف وسط ناس
خلاص انسا بقه
إنك عايش ف الحياه
خلاص أنا هبعد وهسيبك
يلى قلبى كان من نصيبك
جرحتيه ودستى عليه
سبتيه للحياه تقضى عليه
خلاص هبعد وهسيبك يا حياه
وبقول لك مع السلامه وبلاش عتاب

يا حياه